Dortmund ka arritur të shënoj një fitore të madhe në udhëtim tek Lille duke eliminuar skuadrën franceze.

Gjermanët triumfuan me rezultat 1-2, shkruan Arbresh.info.

Ani pse Lille e nisi mirë takimin duke shënuar në minutën e pestë me Jonathan Davidit, nuk ia arriti ta mbajë këtë avantazh.

Pjesa e dytë ishte fatale për francezët të cilët ishin pa yllin kosovar, Edon Zhegrova.

Fillimisht Emre Can barazoi në minutën e 54-të nga pika e bardhë e penalltisë.

Kurse 11 minuta më vonë, Beier shënoi golin e avantazhit për verdhezinjtë.

Deri në fund gola tjera nuk pati dhe kështu Dortmundi triumfoi dhe u kualifikua në çerekfinale të Ligës së Kampionëve.

Skuadra e Kovacit fitoi me rezultat të përgjithshëm 3-2 nga dy ndeshjet dhe do të takohen me Barcelonën në çerekfinale./Arbresh.info